زيدان: غياب كروس قرار فني.. 10 دقائق غيرت كل شيءالأحماض الدهنية أوميجا 3 قد تمنع مضاعفات عمليات تكبير الثديكل ما تريد معرفته عن سرطان الأثنى عشر من الأعراض إلى العلاجألسن الأقصر تستضيف مؤتمر "اللغة جسر التواصل بين الشعوب".. 3 مارس المقبلطفل سيناوى بـ100 راجل.. "سليمان" يجوب الوديان بحثًا عن منتجات يدوية وأعشابالفقي: تكريم الرئيس السيسي لمبارك كان لدوره العسكري.. ونوثق تاريخ كل الرؤساءمصطفى الفقي: جنازة مبارك بحضور الرئيس السيسي سابقة تسجل في التاريخمفيد فوزي: مات مبارك النبيل ..فيديونقص دقيقة يكفي.. ليون يتفوق مؤقتا على يوفنتوس بانتظار الإياببيب يحتل برنابيو.. مانشستر سيتي يقلب الطاولة على ريال مدريدكاسيميرو: لو وُجد فريق قادر على العودة فهو ريال مدريد.. وأين تقنية الفيديو؟أوتاميندي: دافعنا بقوة ضد ريال مدريد.. وأمامنا 90 دقيقة أخرى للتأهلفينيسيوس: يجب أن نتحسن في مباراة العودة ضد سيتيبونوتشي: هزوا شباكنا ونحن بـ 10 لاعبينمواعيد مباريات الخميس 27-2-2020 والقنوات الناقلة - الدوري الأوروبي ومنتخب مصر للشبابجوارديولا: جئنا للفوز وفعلناها.. وعندما كنا أفضل تلقينا هدفاالبابا تواضروس يرحب بوفد من قيادات الكنائس الإنجيلية بعظته الأسبوعية | صوررهبان دير الأنبا موسى يقدمون للبابا تواضروس هدية تذكارية | صوركنيسة ريدارهولم الملكية السويدية تقرع أجراسها تأبينًا لـ حسني مباركضبط راكب في مطار القاهرة حاول تهريب 10 قطع مشغولات ذهبية مرصعة بالألماس.. صور

"متغلطش غلطتي".. هاشتاج يجمع أخطاء المسافرين لأول مرة

   -  

كتبت: لمياء يسري

السفر تجربة ممتعة ومثيرة، وتحتوي على فوائد كثيرة، لا يمكنك الحصول عليها من تجربة أخرى، والمسافرون لأول مرة يرتكبون أخطاء عدة، وبعضهم يقع في تجارب يمكن أن تفسد عليه وقت الرحلة.

لذلك أطلق نشطاء التواصل الاجتماعي هاشتاج بعنوان "متغلطش غلطتي" لتبادل الخبرات بين المسافرين، واشترك أغلبية المشاركين في مجموعة من الأخطاء لعل منها ما يلي:

- الصور:

يقول "أحمد أشرف" أحد المشاركين في الهاشتاج: "ابقي بص على الصور اللي بتتصورها قبل ما تمشي من المكان اللي فيه، متثقش في اللي بيصورك نهائي خصوصاً لو صاحبك".

أما "عبد الله أوزيل" يقول: "الصورة جميلة وجامدة وتبهر أي حد بس أوعي تغلط غلطتي وتجازف عشان صوره لأن الكاميرا وقعت بعد الصور دي ومفضلش فيها حاجه سليمه غير كارت الميموري اللي خدت منه الصورة".

ذكر "علاء حامد": "متخليش مراتك تصورك، أنا مش الراجل ال قدام ده أنا اللي ورا هناك في الآخر"

- اصطحاب الأطفال

تقول "منى شعبان": "واحنا في انجلترا ابني الصغير دخل الحمام ولقي إيد السيفون العادية ولقي خيط أحمر فقال أما أشد الخيط الأحمر أما شوف حيحصل إيه؟ بعد ما شد الخيط الباب اتفتح و لقي واحدة بتقوله : انت كويس؟ الخيط دا علشان لو حد تعب في الحمام يطلب مساعدة. وطبعا ابني كان منظره ما يتخيرش عن محمد هنيدي لما اتشفط في حمام الطيارة"

- اللعب مع الحيوانات

يروي "عمرو عبد الله" تجربته قائلا: "أوعي يغرك أي قرد واقف غلبان و تقول الله قرد كيوت ده، فا تيجي تتصور جنبه فجاءه تلاقيه اسد في نفسه و هياكل وشك فا من الصدمة تبصله وانت بتبعد وبتقول لنفسك ده بجد و بحق و حقيقي و لا انا بحلم و القرد ده مش هيجم عليا".

- تقليد الأبطال في الأفلام

وحذر البعض من تقليد الأفلام، حيث تقول "فادي يونان": "لو سافرت أوروبا ولقيت بحيرة فيها بط متقعدش تزعط فى كتير، ومتعملش زي همام في امستردام وتنزل انت وقناوي تصطادوا بطة عشان تعملة عليها شوربة، البحيرة دى كانت في المانيا وانا كنت ساكن جمبها وكل يوم العيش اللى بيفضل مننا مبرضاش أرميه وبنزل احطة للبط والبط بياكلة وفضلت الكاميرات تصورنى لمدة اسبوع ودة ممنوع طبعا وكانت فى يافطة بالألماني بتقول ان مترموش اى اكل للبط الا تحت رعاية دكاترة من الحديقة، لحد ماجبونى فى يوم عشان احترم نفسى من اللي بعملوا، وكنت بحاول اقنعهم ان وانا صغير كان عندنا كتاكيت فى البيت وكنت بأكلهم عيش عادى يعنى دة حتى بيقوى المناعة، ومش عاوزين يقتنعوا، ويقولى لو بطة واحدة عيت ودخلت المستشفى هتدفع ٥٠٠٠ الف يورو غرامة ولو ماتت انا هتحبس".

- أنواع وأسعار الأطعمة والمشروبات

وذكر "محمد أشرف" موقفًا قائلا: "وأنت رايح الصين أوعى انك ما تخدش تونه وعيش على قد ما تقدر لأن البلد هناك مفيش عيش خالص والأكل أما مش حلال او غريب فوق الوصف زي سلاحف ضفادع راس بط ورجول فراخ"

"مفيش حاجة اسمها قهوة فرنساوي" هذا ما صدم "محمد عبد القادر" وأفسد عليه لحظته المنتظرة في الشانزلزية: "أول مره سافرت باريس كنت مبسوط جدا وكانت أكتر حاجه نفسي أعملها إني أنزل الصبح افطر واخد القهوة بتاعتي في الشانزليزيه، وفعلا رحت كافيه وطلبت الفطار والويتر سألني قهوتك ايه، وطبعا بما إني في فرنسا فقلت اجرب القهوة الفرنساوي في بلدها بقا فقلته fench coffee، عمري ما بنسي نظرته ليا وهو مش فاهم وانا مستغبيه من الناحيه تاني ومش مصدق انه فرنساوي ومش فاهم يعني قهوه فرنساوي فكررت نطقها كذا مره باستغراب، لحد ما قعدت أوصفله بتتعمل ازاي ففهم وقالي اه cafe au lait قولتله اه يا سيدي، المهم شربتها ومشيت وانا برضه فاكره مش فاهم حاجه و جاهل لحد مافهمت بعد كده الحقيقة. الحقيقه: إن مفيش حاجه اسمها قهوه فرنساوي غير علي قهاوي مصر!".

كما يقول "بيتر أشرف": "متروحش تطلب أكل بتحبه من غير ما تعرف سعره، عشان ورك البطة ده اكتشفت ان تمنه 150 دولار يعني كان سعره 2550 جنيه مصري"

لمطالعة الخبر على مصراوى

أخر الأخبار

الاكثر مشاهدة